Еңбекті қорғау, қоршаған ортаны қорғау, азаматтық қорғаныс және төтенше жағдайлар жөніндегі бас маман

Міндеттері

Бас маманның міндеттеріне:

1. Филиалда еңбекті қорғау жөніндегі жұмысты ұйымдастыру және үйлестіру, құрылымдық бөлімшелерде еңбекті қорғау жөніндегі заңнамалық және нормативтік құқықтық актілердің, салауатты және қауіпсіз еңбек жағдайларын жасау, экология, АҚ және ТЖ жөніндегі іс-шаралардың сақталуын бақылауды жүзеге асыру.
2. Жұмыс берушінің атынан жұмыс орнындағы еңбек жағдайларының жай-күйі туралы, сондай-ақ қауіпті және зиянды өндірістік факторлардан қорғау бойынша қабылданған шаралар туралы қызметкерлерді хабардар ету.
3. Ғимараттардың, жабдықтардың техникалық жай-күйінің олардың нормативтік құқықтық актілердің талаптарына сәйкестігіне тексерістерді, зерттеулерді жүргізуді ұйымдастыру. Олардың уақтылы жүргізілуін бақылау.
4. Қауіпсіз және салауатты еңбек жағдайларын, еңбек пен демалыстың тиімді режимдерін жасау жөніндегі іс-шараларды әзірлеуге және енгізуге қатысу.
5. Жазатайым оқиғаларды қарауға және олардың алдын алу бойынша шараларды әзірлеуге қатысу.
6. Кіріспе және қайталама нұсқаулар өткізуді, Филиал қызметкерлерінің еңбегін қорғау бойынша оқуды және білімін тексеруді қамтамасыз ету.
7. Филиалдың бөлімшелерінде еңбекті қорғау жөніндегі іс-шараларды орындауға арналған қаражаттың дұрыс жұмсалуын бақылау.
8. Филиалдың бөлімшелерінде еңбекті қорғау, ҚОҚ, АҚ және ТЖ мәселелері бойынша насихаттау жүргізу және хабардар ету.
9. Еңбек қорғау, ҚОҚ, АҚ және ТЖ бойынша қолданысқа енгізілетін жаңа заңнамалық және нормативтік құқықтық актілерді Филиал қызметкерлерінің назарына жеткізу. Белгіленген нысандар бойынша есептілікті жасау.
10. Еңбек қорғау мәселелері бойынша медициналық мекемелермен, ғылыми-зерттеу және басқа да ұйымдармен байланысты жүзеге асыру және олардың ұсынымдарын енгізу жөнінде шаралар қабылдау.
11. Алматы қаласының және Алматы облысының төтенше жағдайлар саласындағы төтенше жағдайлар департаменттерімен, мемлекеттік бақылау және қадағалау басқармаларымен, қаланың, облыстың, ауданның АҚ және ТЖ қызметтерімен өзара іс-қимылды қолдау және орнату.
12. АҚ командалық-басқару құрамын, құралымдардың мүшелерін, АҚ құралымдарына кірмейтін жұмысшылар мен қызметшілерді азаматтық қорғаныс мәселелері мен іс-шаралары және төтенше жағдайлардағы жеке құрамның іс-қимылдары бойынша даярлауды жоспарлау және ұйымдастыру.
13. Филиалдың басқарма органдарының, байланыс және хабарлау жүйелерінің, күштері мен құралдарының ТЖ кезіндегі іс-қимылдарына дайындығын қамтамасыз ету.
14. ТЖ жөніндегі комиссияны құру мен оның жұмысына, сондай-ақ АҚ және ТЖ бойынша өзге де комиссиялардың жұмысына қатысу.
15. АҚ бойынша барлық іс-шаралардың жүргізілуіне тұрақты бақылауды жүзеге асыру кіреді.

Талаптар:

Бас маманның тиісті бағыт бойынша жоғары (және/немесе жоғары оқу орнынан кейінгі) білімі және еңбек қауіпсіздігі және еңбекті қорғау саласында кемінде 3 жыл жұмыс өтілі болуы тиіс.

Шарттары:

Қалыпты